THIRD PERSON'S POV
"NASAAN SILA?" Nagmamadaling tanong ni Lorrine nang makapasok silang lima sa palasyo ng Questhora. Hinahanap nilang lima sina Nhykira at Miandro na parehong nawawala sa kanilang mga silid.
"Wala sila sa bulwagan," nag-aalalang sambit ni Aryll habang patuloy pa rin sa paghahanap ang apat.
Labis ang pag-aalala ni Lorrine sa mga kasama. Kinakabahan siya para sa mga ito dahil siya nga na itinuturing na pinakamalakas, natatakot sa posibleng mangyari. Ito pa kayang dalawa niyang kaibigan na lumaki sa bayan ng Verphasa at ngayon lang halos nakatuntong sa Questhora?
Hindi siya minamaliit niya ang kakayahan ng mga ito. Hindi niya lang kaya na makitang nasasaktan ang mga ito. Kung kaya niya lang ibuwis ang buhay para sa Questhora, gagawin niya. Kung buhay niya ang kapalit ng p
