Chapter 118
“Nandine, ano ba? Ganyan ba talaga?” halos pasigaw niya iyong sinabi sa akin para lang mangibabaw ang kanyang sinasabi sa lakas ng tugtog. Nasa tabi ko na ngunit mukhang laway na laway pa rin siya sa akin.
Hindi na ako sumagot. Malakas pa rin ang tugtog. Sumusunod ang ulo ko at sinadya ko talagang makipagtitigan sa mga ibang naroon. Naglalandi. Nagpapahabol. Ipinararamdam na marami sa akin ang magkakagusto at hindi lang siya.
Dumikit siya sa pagkakatabi sa akin.
“Oh? Bakit ganyan ka sa akin makadikit? Anong ginagawa mo rito? Doon ka oh!” Itinuro ko ang kabilang upuan. “Close agad?”
“Kung doon ako pupuwesto, hindi tayo magkakarinigan kaya baka naman pwedeng dito na lang ako uupo.” Pasigaw niyang sinabi.
“Wala pang tayo. Hindi ako komportable na magkatabi tayo at nakadikit
