Lihim na nagpasalamat si Yana nang umalis sa balcony ang tatlong lalaki. Dali-dali siyang pumasok sa looban ng bahay habang hawak-hawak ang litrato ng kanyang mga magulang kasama ang mag-asawa na sa tingin niya'y mga magulang ng aktor. Hindi siya sigurado.
"Ma'am Yana!" gulat na turan ng isang kawaksi ng makita siya.
"Huwag kang maingay, hindi pwedeng malaman ng mga lalaking bisita ng sir mo na narito ako, pagsabihan mo na lamang ang ilan sa mga kasamahan mo, please," pakiusap ni Yana dito.
"S-sige po ma'am, masusunod po," sagot naman ng kawaksi.
Mabilis ang bawat kilos ni Yana at dahan-dahang pumanhik sa taas at tinungo ang kanyang silid na inukopa. Naupo siya sa kanyang malambot na kama. Saka niya tinitigan ang larawan na kanyang kinuha mula sa tree house. Magkaibigan ba ang kanyan
