"Yana...," mahinang tawag ni David sa pangalan ni Yana.
Napaluha si Levi. Sa wakas, narinig n'ya muli ang tinig ng anak. Lihim na nagalak ang kanyang puso. Napayakap s'ya sa asawang si Mike. "Nakakapagsalita na s'ya, Mike!" bulalas ni Levi.
"Salamat sa Dios, wala akong ibang masabi kundi ang magpasalamat sa Dios, sweetheart. Siguro naman, hindi ka na nabalisa," nakangiting saad ni Mike sa asawa. Nakaalalay lang s'ya sa likuran nito.
Ngumiti si Levi. Lumapit sila sa kinaroroonan ni David na ngayo'y dahan-dahang ibinuka ang mga mata. "David, anak ko."
"Ma, Pa. Si Yana?" tanging sambit ni David. Gusto n'yang makita si Yana.
"Nasa kabilang kwarto s'ya. Nagpapahinga, don't worry sasabihin namin sa kanya na hinahanap mo s'ya pagkagising n'ya, okay?" sagot ni Levi sa anak habang pilit i
