“Anong akala ni Buro? Ganun ako kabait para pagbigyan na lang habang buhay ang mga taong yon na manirahan sa lupain ko? At ano pagkatapos? Aangkinin na nila dahil nga pinabayaan ko na lang sila?” mga himutok ni Aling Ligaya habang nagkukuwento kay Buracha.
“Baka ho mga kamag anak ni Mang Buro kaya ho ganun siya kabait sa mga taong nakatira sa lupa niyo, Aling Ligaya,” ani ng dalagang kasambahay habang nagtutupi ng mga bagong laba na damit.
“Hindi sila kaanu-ano ni Buro. Kilala ko ang halos lahat ng mga kamaganakan ng asawa ko dahil mga mukhang pera lahat sila. Walang kamag anak ni Buro ang hindi lumapit sa akin at hindi nangutang. Ang lalakas ng loob mangutang na wala namangga pambayad,” ngitngit ng among babae na umiinom ng mainit na kape.
“Ganun ho ba? Kung ganun ay sino po kaya ang m
