“Bilis-bilisan nyo ang trabaho dahil marami pa kayong mga gagawin!” bulyaw ni Mang Buro sa mga tauhan na nagbubuhat ng mga sako-sako ng palay na mga inani at kailangan na agad na maibenta habang mataas ang presyo sa merkado.
Tirik na tirik ang init ng araw na mas lalo pang uminit dahil sinabayan ng init ng ulo ni Mang Buro. Kahapon pa siya galit na galit sa asawang si Aling Ligaya dahil nalaman niyang pinaalis nito ang mga taong matagal ng naninirahan sa lupa sa Sta. Lucia.
“Grabe ang init na naman ng ulo ni Mang Buro mabuti magmadali na tayo sa paghahakot dahil mukhang wala na naman sa tamang timpla ang amo nating lalaki,” narinig ni Kanor na sambit ng isang lalaki na nagbubuhat ng palay pasampa sa malaking trak na sasakyan.
Halatang mainit ang ulo ng kanilang among lalaki dahil wala t
