Dahil guminhawa na ang pakiramdam ni Cha-cha ay nakagawa na siya ng mga gawaing-bahay madaling-araw pa lang kinabukasan.
Inunahan niya talaga si Kanor at baka gawin nga ng binata ang sinabi nitong magwawalis ng buong paligid.
“Mabuti at nakapagwalis ka na, Cha-cha? Sabi ko na ba at umaarte ka lang kahapon ng sabihin mong masama ang pakiramdam mo, eh. Tinamad ka lang talagang babae ka,” salubong na sermon agad ni Aling Ligaya ng makitang nagwawalis na ng paligid si Cha-cha.
“Nilagnat po talaga ko, Aling Ligaya. Naka inom lang po ako ng gamot para nga ho gumaan na ang pakiramdam ko at makapasok na ho ngayon,” sagot ng dalaga sa among babae na ayaw talagang maniwala na nagkasakit siya.
“At saan ka naman kumuha ng gamot?” tanong pa ni Aling Ligaya.
“Herbal po, Aling Ligaya,” sabay turo pa
