“Sino yan?” mahinang tanong ni Cha-cha ng marinig ang katok sa pintuan ng kanyang nagsisilbing silid.
“Cha, si Kanor to,” pagpapakilala ni Kanor.
Kahit nanghihina ang katawan ay tumayo si Cha-cha upang pagbuksan ng pinto si Kanor.
“Kanor, napasyal ka?” ang tanong ng may sakit ngunit sa halip na sumagot ay inilagay ni Kanor ang likod ng kanang palad sa noo ng dalaga.
“May lagnat ka nga, Cha. Kaya heto at binilhan kita ng mga gamot at mga pagkain. May konting prutas na rin,” sabi ni Kanor at inilapag sa maliit na lamesa malapit sa papag ang mga dala-dala ni Kanor.
“Salamat Kanor pero sana hindi ka na nag-abala pa. Babayaran ko na lang sayo lahat ng mga binili mo dahil alam ko naman na kulang pa ang sinahod mo,” wika ni Cha-cha na kinuha ang bag niya para dumukot ng pera.
“Cha, ano ka b
