“Kanor, kamusta ang utang na binabayaran mo kay Mang Buro?” tanong ng nag-aalaga sa mga baka kay Kanor ng magsama-sama na naman sila isang umaga at sabay-sabay na kumakain ng agahan.
“Marami pa rin pero mahalaga nababawasan naman na,” sagot ni Kanor na ayaw na nga sanang maalala ang mga tao na sanhi kung bakit nasa rancho siya at halos nagpapakamatay sa bigat ng mga trabaho.
“Totoo naman kayang may sakit yang si Mando? Baka mamaya ay sakit lang sa bulsa ang meron at tinamad na talagang magtrabaho rito sa laki talaga ng utang niya at ikaw ang nagdurusa na nagbabayad,” ani pa ng nag-aalaga ng mga baka na matagal na rin sa rancho at halos kasabayan na ng amain ni Kanor na si Mando.
Ang hindi alam ng mga kasama niya sa rancho ay sinunog niya ang bahay ni Mando sa sobrang galit na naramdaman
