“Oh ito, kape,” bungad sa akin ni Mama nang magising ako kinaumagahan. Masyadong mabigat ang pakiramdam ko. Para bang dala ko pa rin sa ulo ko ang hilo dahil sa kalasingang natamo kagabi. Inamin ko naman na nanggaling ako sa bar at nag-iinom ng anak. Its just Mom couldn’t accept the fact that I did it without her consent.
Huminga ako nang malalim at pinagmasdan ang kapeng ipinatong niya sa hapag. Nakahanda na ang umagahan ngunit sa totoo lang, wala akong ganang kumain.
Gusto ko pang matulog ngunit may pasok na ngayon. At kailangan na hindi ko ipagpaliban ito dahil midterms na namin. Today is a crucial one for me, lalo’t transferee ako at bagong bago pa sa akin ang sistema.
“Paano mo iyon nagawa nang hindi nagpapaalam? Tingnan mo, para kang bangag ngayon!” asik ni Mama habang pi
