Bago pa man ako maiyak ay nagdesisyon na akong umalis, mabagal ang lakad ko habang dinadama ang pinaghalong malamig at mainit na hanging dumadampi sa balat ko.
Ngayong nagbalik ako sa Pilipinas ay parang nanunumbalik din sa akin iyong mga sakit na naranasan ko, animo'y kahapon lang nangyari at sariwa pa ang mga sugat sa puso ko.
Kung tutuusin ay ang dami ko na palang napagdaanan na bandang huli ay uuwi rin akong talunan at luhaan, mula kay Kris hanggang sa magiging anak dapat namin.
Hindi ko naman ipinagkakait dito ang katotohanang nagbunga ang isang gabing pangbababoy niya sa akin, masakit lang talaga sa parte ko na kung bakit kailangan niyang gawin iyon.
Para saan pa't nagugustuhan ko na rin naman ito, pwedeng-pwede ko siyang sagutin kung sakaling manligaw ito sa akin. Handa ko naman
