BUMALIK kami ng Hastings nina Riley. Nakita ko sila isang araw sa sala at naglalaro. Napansin ko rin ang mga bagong laruan ni Riley na hindi ko naman maalalang binili ko.
“Saan galing ang mga laruang iyan?” Pinagmasdan ko ang mga iyon at magagandang klase ito.
Riley giggled. Halatang tuwang-tuwa siya sa mga bago niyang laruan. Tiningnan ko si Betty para malaman kung saan galing ang mga iyon.
“Regalo ko po kay Riley, Ma’am.” Ngumiti siya sa akin, umabot ang ngiti hanggang tainga.
Umawang ang labi ko at natuwa sa sinabi ni Betty. “Thank you. Hindi ka na sana nag-abala pero salamat, Betty.”
Pinagmasdan ko si Riley na nakangiti na naman habang nilalaro ang mga bagong laruan niya sa loob ng crib.
Nilinis ko ang ilang paper bags at kahon ng laruan. Pinatigil pa ako ni Betty pero sabi ko
