Humakbang papalapit si Jack sa kanila. Nakapamulsa ito at may suot na jacket na kulay itim. Huminto siya nang dalawang metro na ang layo niya sa dalawa.
"Kung gano'n, 'yong lalaki kanina pala ang gusto mo," nakatitig na sabi niya kay Diana. Ito ay hindi isang tanong kundi isang pahayag at kumpirmasyon. Seryoso rin ang tono ng boses nito. "May asawa't mga anak na pala ang lalaking gusto mo. Tapos... best friend mo pa 'yong babae." Napa-smirk ito at umiling-iling pa. "Hindi ako makapaniwalang isa kang taksil."
"N-Narinig mo ang lahat?" nauutal na wika ni Diana.
"Hmm," tipid na tugon ni Jack at bahagyang tumango.
Hindi na makakibo si Diana. Kahit hindi sabihin ni Jack, ramdam ni Diana na galit ito sa kanya. Sa isip niya'y dahil pa rin ito sa nangyari noong may nangyari sa kanila at ibang
