Lalapitan ko sana at tatanungin si Lucy tungkol sa binanggit nya pero bigla nalang nitong hinila si Reggie na kakaahon lang mula sa tubig papalayo sa amin ni Daemon. Napakamot naman ng batok si Reggie. Mukhang hindi nya magagawang tumanggi this time.
At dahil namiss ko ang ilog ay ginaya ko ang ginawa ni Reggie. Nagdive din ako at sumisid pailalim. Narinig ko ang malakas na sigaw ni Daemon na tinatawag ang pangalan ko pero masyado pa akong masaya sa ilalim ng tubig. Nang magsawa ako sa pagsisid ay unti-unti na akong umaahon papunta sa ibabaw ng tubig para humigop ng hangin. Pumunta ako sa may malaking bato saka sumandal doon at nagpahinga ng kaunti. Ipinikit ang aking mga mata at dinama ang tubig sa kalahati ng aking katawan.
Napamulat ako ng may yumakap sa akin. Nanigas ang aking katawa
