Napagdesisyunan ni Hans na huwag pasukin ang kwarto ng ina. Masyadong marami ang gumugulo sa isip. Kung bakit naman kasi putol-putol ang mga alaalang bunabalik sa kanya. Kapag pinipilit pinagtatagni ang mga kwento ay tuluyang nanakit ang ulo.
Pagdating sa sariling kwarto ay naupo siya sa gilid ng kama at tinitigang muli ang larawan sa cellphone. Hindi namalayan ang pagsilay ng isang ngiti sa labi dahil sa nakikitang itsura ni Angela. Pinadaanan ng kamay ang magandang mukha nito. Miracles do happen! Yeah kinokonsidera niyang milagro ang pagkaka-gusto ni Angela sa kanya. Gusto niyang maalala ang lahat tungkol dito. Paano sila nag-umpisa? Paano niya napasagot ang isang tulad nito.
Pumasok ang eksena sa walk-in closet nang tanungin ang dalaga kung mahal nito ang fiance. At walang pagdadala
