HINDI na kumikibo si Daisy sa passenger seat habang pauwi sila sa bahay na sinasabi ni Edgar. Masama ang pakiramdam niya. Salamat na lang pala at sinundo siya nito sa terminal ng bus. Sabado ng araw na iyon. Lunes ang schedule nila sa University. Ang dalawang kaibigan ay may kanya-kanya ring uuwian. Si Maruja ay sa apartment ng kapatid tutuloy. Si Jessaline naman ay sa bahay ng kaibigang bading rin. Sa Lunes na sila magkikita uli.
Nasa bus pa lang ay naramdaman na ni Daisy ang pagbigat ng katawan. Ang bilis nga niyang naidlip. Hindi iyon madalas mangyari. Hirap pa nga siyang makatulog sa biyahe. Mabuti na lang pala at sumang-ayon siya kay Jessaline na Sabado pa lang ay lumuwas na sila, para hindi raw sila ngarag sa exam ayon pa sa kaibigan.
Nasa kotse na siya ni Edgar. Hinintay muna nila
