"KINAUSAP daw ni Kuya Ed si Tatay, Ate?" nasa likod bahay ang kapatid niya. Nasa duyan habang abala sa sketch pad. Nahulaan na niyang nagda-drawing ito ng mga bagong designs ng sapatos, damit o kaya ay furnitures. "Alam mo ba ang tungkol doon?"
Dalawang araw na ang nakaraan mula nang makabalik sila galing sa Pulosa
"Kasasabi lang din ni Tatay," kaswal na sagot nito, mabilis lang ang ginawang pag-angat ng tingin. Naka-focus ito sa ginagawa. "Pumayag 'yan si Tatay dahil si Ed ang nagrekomenda ng bahay at trabaho. Tiwalang-tiwala kay Ed 'yan. Maganda 'yong alok saka mabuting tao naman 'yon. Karapat-dapat sa tiwala." Tama ang kapatid niya. Umalis sila papuntang Pulosa na wala pang desisyon ang ama. Hindi ito sang-ayon sa pagkokolehiyo niya sa Maynila. Puwede naman daw sa mas malapit, bakit l
