"HINDI ka sasamang manood ng Baile sa Calle?" paniniyak ng Ate Ara ni Daisy. Nakabihis na ito, handa na para manood ng binanggit na sayawan. Siya ay nakahilata lang sa kama, tamad na tamad bumangon.
"Manonood na lang ako ng T.V., Ate," sabi niya, niyakap ang unan. "Wala naman akong gagawin do'n, kayo na lang ni Kuya Zeph. Wala naman akong hilig sa sayawan kahit sa 'tin." Alam iyon ng kapatid niya. Sa mga fiesta sa iilang barangay na kasama pa sa mga binubuong event ng mga barangay officials ang sayawan ay hindi man lang siya natutuksong pumunta. Mas gusto niyang magbasa ng kahit ano, o kaya ay gumawa ng tula o maikling kuwento.
"Sigurado ka? Huling gala na natin ngayong gabi. Uuwi na tayo bukas."
"Sigurado, Ate."
Tumango na lang ito at lumabas na ng silid. Ilang sandali lang ay si Kuya
