"Bullsh*t."
Mariing bigkas ni Shey habang papalabas siya sa rest room kung saan iniwanan niya si Steven habang sapo ang nasaktang panga. Sinadya niya talaga na pasukin ito sa loob para lang solo na makausap ang binata. Siya din ang nag-utos sa isang babae na binayaran niya na magpanggap na lasing para tapunan si Steven ng alak.
Lahat nang iyon ay plano niyang lahat. Sinadya niya. Hindi lang naman si Steven ang magaling magplano sa mga ganitong bagay kaya ibahin siya nito. At nagsisimula pa lang siya.
Sa simula pa lang ay balak naman na talaga niyang sapakin ito ng tatlong beses, iyon nga lang dalawang beses lang niyang nagawa iyon. Napatingin si Shey sa kamao niya na ngayon ay namamaga dahil sa lakas na pagkakasuntok niya kay Steven. For sure, he tasted his own blood.
And he deserved
