"Boss, aalis na ba tayo?" tanong ni Mike kay Shey habang papalabas sila ng presinto sa Sta Mesa, Manila kung saan naka-assign ang case na pinasa sa kanya kahapon.
Mainit ang ulo ni Shey. Hindi dahil sa wala siyang napala sa pagpunta niya sa presinto na iyon, kundi dahil walang kwenta ang imbestigador na humawak ng kaso na hawak na niya ngayon. Hindi dahil sa tamad ito o tanga, malakas ang pakiramdam ni Shey na hindi lang iyon pinagtutuunan nang pansin dahil mahirap lang ang pamilya ng biktima.
F*ck that.
Ang bagay na iyon ang pinakamumuhian niyang ugali ng ibang pulis. Hindi naman niya dapat lahatin, ngunit sadyang may mga ganoong klaseng tao. Mabuti na lang talaga sa mga tauhan niya ay walang ganoon ugali sapagkat sinikap ni Shey na ipakita dito na ang trabaho nilang sinumpaan sa har
