"F*ck!"
Hindi alam ni Steven kung ilang beses na siyang napapamura nang malakas habang nakatingin sa bagong bili niyang sports car na ngayon ay hinahatak na ng tow truck na tinawagan ni Shey. Kararating lang niyon kanina galing customs kaya naman agad niyang inutusan ang secretary niya na kunin na agad iyon kahit nilalakad pa ang clearance and registration. He paid a large amount for his Aston Martin Vanquish sports car.
Alam naman ni Steven na may na-bypass siyang rules dahil binayaran niya nang malaking halaga ang agent niya para lang ma-drive niya agad ang kotse niya. Dahil nga excited siyang i-drive ay nilabas niya agad iyon para i-drive lang sana nang ilang oras sa city. Hindi naman niya akalain na makikita pa siya ni Shey na nakaparada sa isang no-parking and tow-away zone.
Frus
