Masayang tinunghayan ko ang magandang tanawin sa labas. Kumikislap-kislap ang ibabaw ng bughaw na dagat sa tama ng sinag ng araw. Sa kalayuan, makikita ang manipis na ulap na tumatabing sa asul na langit. Dinig ko mula sa aking kinatatayuan ang malakas na pagsalpok ng alon sa dalampasigan.
Huminga ako nang malalim. Life is good. Nalagpasan din namin ang mabigat na pagsubok sa buhay namin ni Sean at habang tumatagal ay lalo pang tumitibay ang pagsasama namin.
Maayos na rin ang lagay ng kompanya. Nang makarating sa pamunuan ng AGL na nakabayad kami sa bangko, para silang bula na naglaho na lang bigla. Pati na rin ang pagsabotahe nila sa aming negosyo ay tuluyan nang nawala.
Ang kaso ng s****l harassment kay Sean ay iniatras din. Umamin ang babaeng nag-akusa kay Sean na binayaran siya. Dal
