HINDI MAPANIWALAAN ni Blumentritt ang nakikita. Nanginginig ang kanyang buong katawan. Kinukumbinsi niya ang sarili na hindi siya nananaginip. Gising siya. Ginising siya ni Meripen upang ipaalam na gising na sa wakas si Alana. Nakatayo siya sa silid at nakatingin kay Alana. Naghahabol siya ng hininga. Waring sasabog ang kanyang dibdib. Nais niyang pumalahaw ng iyak. Hindi niya sigurado kung ano ang unang gagawin o mararamdaman.
Ang tagal niyang hinintay at ipinagdasal na dumating ang araw na iyon. Ngayong nangyayari na ang inaasam niya ay hindi niya sigurado ang gagawin o mararamdaman.
Kausap ng doktor ang mommy niya, ipinapaliwanag ang kalagayan ni Alana. Nagpasalamat si Blumentritt sa presensiya ng ina dahil alam niya na hindi titimo sa kanyang isipan ang anumang sinasabi ng doktor sa
