PAGKATAPOS NG pakikipag-usap kay Lolo Jose ay hinanap ni Trutty si Blumentritt. Abala si Alana sa pakikipagkuwentuhan sa ilang kaibigan na matagal nitong hindi nakita.
“Nasa kuwarto ng kuya niya si Blu,” ang sabi sa kanya ni Estong bago pa man siya makapagtanong.
Sandaling nag-alangan si Trutty bago niya tinungo ang kinaroroonanan ng silid ng Kuya Jose Maria ni Blumentritt. Alam niya kung nasaan iyon dahil inilibot sila ni Blumentritt noong unang beses silang nagtungo sa tahanan na iyon.
Bahagyang nakabukas ang pintuan ngunit kumatok pa rin si Trutty. Nasilip niyang nakaupo sa gilid ng kama si Blumentritt. “May I come in?” tanong niya nang mag-angat ng ulo ang binata.
“Of course.”
Hindi nakaligtas kay Trutty ang lungkot sa mga mata ng binata. Nang makapasok siya ay saka lang niya na
