Naramdaman kong may humahaplos sa buhok ko kaya dumilat ako. Nang idilat ko ang mga mata ko ay bumungad sa'kin ang nag-aalalang mukha ni Tita Rose. Kaagad siyang ngumiti pagkadilat ko.
"Kumusta Stella, ayos ka lang ba? Kumusta ang nararamdaman mo?" tanong ni Tita Rose. Sinubukan kong umupo kaya inalalayan niya ako. Inilibot ko ang paningin ko sa paligid at nasa kama ako rito sa kwarto ko.
"A-ano pong ginagawa niyo rito Tita?" tanong ko. Ramdam ko ang pamamaga ng mata ko dahil sa pag-iyak.
"Binisita ka namin kasi ilang araw ka nang hindi nagpapakita sa'min," wika ni Tita Rose.
"A-ano po ang ibig niyong sabihin?" tanong ko.
"Sinabi lang sa'kin ni Mama mo na tatlong araw ka nang natutulog dahil sa sobrang kapaguran, ayos ka lang ba? Hindi ko ba ito kasalanan? Hindi ka ba sumobra sa pagt
