“T-TEKA lang! Teka lang, Sir! Ano ba ang kaso ko? May warrant ba kayo?" may angas na tanong ng lalaki sa loob ng carinderia nang hawakan ng dalawang maskuladong pulis na bigla na lamang sumulpot.
Nilapitan ni Inspector Acosta ang lalaking itinuturo ng babaeng tumawag sa kanya na diumano'y pumatay daw sa natagpuan nilang bangkay.
"Iniimbitahan ka lang naman namin sa presinto, bata. Gusto kasi namin hingin ang pahayag mo tungkol sa natagpuan naming bangkay d'yan sa abandonadong bahay. Hindi na namin kailangan ang warrant. Ngayon, kung tatanggi kang sumama sa amin, mapipilitan na kaming gamitan ka ng dahas. Puwede ka rin naming kasuhan ng pambabastos sa suot naming uniporme. Kapag napikon mo naman ako, ipahahalungkat ko ang background mo. At oras na may masilip ako, kahit maliit na butas sa
