"Bata pa lang ako, pamilya namin ang pinakamahirap sa aming magkakamag-anak. Mangingisda si Papa mula pagkabata niya, hindi siya pinaaral. Ang sabi ayaw niya raw, pero duda ako ron. Hindi siya nakatapos ng Grade 6, bata pa lang siya nagtatrabaho na siya sa laot para makatulong kay lola." Hinila niya ako at pinasandal sa dibdib niya. Nakaupo kami sa kama habang nakayakap siya sa akin habang nakatalikod ako sakanya.
"Sa sobrang hirap namin nag-abroad si Mama, wala naman din kaming ibang malapitan dahil mahirap lang din ang mga tao rito. Ang side ni Papa kahit papano may kaya, kaso matapobre ang Lola namin doon. Lagi kaming pinapahiya at sinasabihan ng kung ano-ano si Mama. Nanganganak na lang daw siya noon sa akin nagappakalat pa ng chismis si Lola para raw 'wag sila bigyan ng pera Tita nam
