NATARANTA si Eunice nang makita niya ang kanyang ama at ina na dumarating. Natatakot siya na baka may gawin ang ama kay Jonathan. Alam niyang galit na galit ito sa lalaking nanloko sa kanya.
Kaagad niyang nilapitan si Tito Jonas.
“Nandiyan na po si Tatay. Natatakot ako na baka may gawin siya kay Jonathan,” nag-aalala niyang wika.
“Hayaan mo sila Eunice. Hindi na bata si Jonathan para kampihan ko. Gusto kong harapin niya ang kanyang mga pagkakamali. Marami siyang taong nasaktan lalo na ikaw at bilang ama alam ko kung ano ang nararamdaman ng ama mo. He wants to protect you,” mahaba nitong sagot sa kanya kaya natigilan siya.
“Magandang gabi po, Tatay Gardo, Nay Belen,” bati ni Jonathan sa kanyang mga magulang. Hindi ito pinansin ng kanyang ina pero ang kanyang ama ay nagdilim ang mukha na
