“Baka naman hindi ka na naman magparamdam. Make sure you keep us up to date on how you’re recovering,” pangungulit ni Debbie habang isinasakay ng mga kasama ang mga bagahe nila sa dala nilang itim na van. Kinabukasan matapos ng sorpresang kasalan nila ay nagpaalam na ang mga kaibigan na babalik na ng Maynila. Malungkot man si Jackie na ilang linggo o buwan na naman silang hindi magkikita-kita, may baon naman siyang masasayang ala-ala nilang lahat. Aminado siya na kung hindi sa pagsugod nila Dara sa Ilocos ay baka hindi pa sila nagka-ayos ni Cayden. Nakatulong ito sa pagkakaroon ng bagong pag-asa ng relasyon nila.
“Don’t worry. You can call me anytime. Binigyan na ‘ko ng phone ng asawa ko,” bigla siyang napangiti nang mabanggit ang salitang asawa at kinurot naman siya sa tagiliran ni D
