TUWING umaga naman ay hindi rin sila natitigil ng pagkukuwentuhan. Sinusulit nilang dalawa ang panahong magkasama. They have a lot of stories to share and things to learn about each other. Nasa sala sila ng mansyon dalawang linggo na mula nang maiwan sila roon sa Ilocos. Sa ibabaw ng center table ay may platter ng sushi na iba’t-ibang klase. Ipinasadya iyon ni Cayden para sa asawa na nag-crave ng sushi noong gabing bago sila matulog.
“Ayat ko, tumawag si Dash. May date na raw ang wedding nila ni Dara,” bulong ni Cayden sa asawang katabi.
“Oo. Tumawag din si Dara kanina. Maid of honor daw ako kasi nagbunutan daw sila. Ako raw ang nanalo sa raffle.” Napapailing man si Jackie ay ngumiti ito habang hawak ang chopsticks at kumukuha ng tuna sushi roll. Isinawsaw muna niya
