“Gusto mo bang samahan kita sa loob?” Napabuntonghininga si Jackie bago sumagot kay Zeke. Nasa tapat sila ng ospital ng Makati. Nagprisinta nang maghatid sa kanya ang kaibigan bilang malapit lang sa lungsod na ‘yon ang susunod nitong meeting.
“Hindi na. Baka tanungin pa ni Cayden kung sino ka.” Isinukbit na ni Jackie ang bag niyang dala. Napatitig siya sa manila envelope na nakapatong sa dashboard ng kotse.
“So? Ano naman kung magtanong? Pwede mo naman sabihin ang totoo. You can even tell him that you had him investigated. Para magkaalaman na.” May bakas na gigil sa boses ni Zeke habang si Jackie naman ay napakapit sa sentido.
“Don’t start, Zeke. Hayaan mo muna ‘kong mag-isip kung dapat ko bang sabihin o hintayin ko na siya ang magsabi. I hate that I seemed to have
