CHAPTER XLI
Ang pagiging ina daw ay hindi natatapos kapag lumaki na o nakatapos na mag-aral ang anak ko. Hangga’t kailangan ka ng anak mo ay patuloy kang magiging ina para sa kanya. Gaya noong maliit siya na kahit tulog na ang lahat ipipikit mo nalang ang mata mo ay hindi mo pa magawa lalo na kung kailangan ka niya. Pero isang achievement sa isang magulang na gaya ko ang makitang masaya ang anak ko. Hindi niya man sabihin pero ramdam ko gaya ng mga sakit na hindi nila sinasabi pero ramdam mo.
“Do I look good, Mama?” nakangiting tanong ng anak ko sa akin.
Kakatapos niya lang ayusan ng Ninang niya at talaga namang lumabas ang pagiging Almendrez nito. Tapos na akong ayusan at siya nalang ang inaantay ko. Dahil kapag nauna ako ay baka maburyo ito sa init ng suot at sa tagal ko.
