"Good evening po, Tito at Tita," nakangiting bati ni Sebastian.
Pagkapasok na pagkapasok namin ng bahay ay sina Nanay at Tatay lang ang bumungad sa amin. Sa tingin ko ay tulog na si Cora dahil alas siyete na rin nang gabi, may pasok pa kasi 'yon bukas kaya tiyak na tulog na nga iyon.
Agad akong nag-mano kay Nanay at Tatay. Nagulat ako nang kaunti nang mag-mano rin si Sebastian kina Nanay, na ngayon niya pa lang ginawa sa tagal na niyang kilala sina Nanay.
"Kaawaan ka ng Diyos, hijo," ani Nanay habang nagma-mano sa kaniya si Sebastian. "Bakit ka napa-rito?"
"Ini-hatid ko lang po pa-uwi nang ligtas si Clara, Tita," sagot niya at saglit akong sinulyapan ngunit agad niya ring ibinalik kay Nanay ang paningin niya. "Tsaka, ipagpa-paalam ko lang rin ho sana si Clara."
"Tungkol saan?" tanong
