KABANATA 13
“Bababa ka na naman sa lupa? Hindi ka ba talaga natatakot sa kwento ni Ama noon?” tanong kay Malaya ng nakababata niyang kapatid habang nakaupo ito sa kanyang malaki at malambot na kama na nakapwesto sa gitna nang malaki niyang silid.
“Hindi naman ako magpapakita sa mga tao. Mag-iingat ako. Hindi ko ilalayo sa ‘kin ang mga pakpak ko kapag tinanggal ko ito. At saka ilang beses na ba akong bumaba sa lupa at palagi naman akong ligtas na nakakabalik,” sagot ni Malaya habang nakaharap sa salamin at sinusuklay ang mahaba at kulay puting buhok niya. Ang kilay at pilikmata niya’y kulay puti rin. Mukha siyang nagniningning lalo pa’t napakaputi ng makinis niyang balat at napakaganda ng kanyang kulay pilak na pakpak. Sa kanilang magkakapatid siya ang may pinaka-malaking pakpak at siya
