KABANATA 10
“Mona, pwede ba ‘kong maki-text sa ‘yo?” tanong ko habang nasa karinderya nila ako at kumakain ng hapunan ko. Kanin nga lang ang i-order ko at humingi na lang ako ng libreng sabaw pero binigyan niya ‘ko ng isang platitong Adobong baboy na pinatuyuan kaya umitim sa toyo at nagmamantika dahil sa taba. Napasarap nga ang akin ko kaya napabili pa ako ng isang scoop pa ng kanin. Nakakahiya kay Mona kaya sabi ko sa kanya kapag nakahanap na ako ng trabaho, siya naman ang ililibre ko.
“Sino’ng ite-text mo?” sabi niya habang nakaupo siya sa tabi ko.
“Kaklase ko. May itatanong lang ako,” sagot ko. Hindi ko sinabi kay Mona na girlfriend ko ang ite-text ko. Nakakahiya kasi sa kanya. Wala akong pera pero ang lakas ng loob ko na mag-girlfriend.
Kinuha niya ang cellphone niya sa bulsa ng m
