NAPAPAILING si Gregory nang i-kwento ni Adam dito ang nangyari. Nasa Maynila din kasi ito kasama ang asawang si Sabrina dahil sa isang malaking business meeting. Tinawagan niya ito at nakipagkita para may makausap.
"Bakit naman kasi ganun ang sinabi mo? Akala ko ba, kaya mo siya sinundan dito dahil gusto mo siyang mabawi? Bakit mo ginalit?"
"Eh sa 'yon naman talaga ang totoo! Anong gusto niyang gawin ko? Magsinungaling? Naging totoo lang naman ako sa sagot ko," pangangatwiran ni Adam. Nasa mukha parin nito na hindi nito matanggap na pinagtabuyan siya ni Kristel kanina.
"Pwede bang pabatok? Isa lang! Aalugin ko lang 'yang utak mo," itinaas pa ni Gregory ang isang nakakuyom na kamao nito.
"Bakit? Ano bang mali sa sinabi ko? Masama bang magsabi ng totoo?" wala talaga itong ideya kung ano
