KASALUKUYANG nagdi-dinner ang mag-asawang Gregory at Sabrina sa isang mamahaling restaurant sa Makati. Sandaling napako ang tingin ni Gregory sa pares na kadarating lang.
"Kapag sinuswerte ka nga naman!" may pilyong ngiti sa mga labi na turan nito.
"Did you say something, honey?" nakakunot ang noo na tanong ni Sabrina.
Hindi mapalis ang ngiti sa labi na itinuro ng mga labi ni Gregory ang pares na mukhang nagkataon pa na nakareserve sa isang mesa hindi kalayuan sa kanilang mag-asawa dahil doon ito ihinatid ng manager ng restaurant na sumalubong sa mga ito.
Sumunod ang tingin ni Sabrina sa pares na inginuso ng asawa at agad na napako ang tingin nito sa lalaki.
Napaawang ang mga labi niya sa paghanga sa kisig ng lalaking nakikita niya. Ang lakas din ng dating nito na para bang natahimik
