Nakatulog na ulit si Nicole matapos ang pagwawala nito. Naaawa namang tahimik na pinagmamasdan ito ni Xia. Hindi niya akalain na hahantong sa ganito ang kanyang kaibigan pagkatapos ng lahat.
Sa totoo lang, ang lahat ng galit na nararamdaman niya para rito kabilang na ang pagkawala ng kanyang anak na wala siyang ibang sinisisi maliban kay Nicole ay biglang nawala nang makita niya ang tunay na kalagayan nito.
"Nagsimula ang lahat nang malaman niya ang tunay na nangyari sa'yo pero mas lalong lumala nang nakipaghiwalay sa kanya si Glendon at inalayo sa kanya si Steph," paliwanag ni Martha habang pinagmamasdan nila ang mapayapang natutulog na si Nicole.
"Anong nangyari sa kanilang dalawa ni Alex?"
"Noong umagang nadatnan mo silang magkatabi, set-up lang lahat ni Nicole 'yon. Inamin niya
