"Anong kailangan mo?" tanong ni Xia kay Alexander nang hininto nito ang sasakyan sa tabi ng daan kung saan madalang lang ang mga tao.
"Anong ginagawa mo?" balik-tanong sa kanya ng kanyang asawa.
Napakunot naman ang kanyang noo sa tanong nito dahil wala naman siyang ideya kung tungkol saan ang tinutukoy nito.
"Anong ibig mong sabihin?"
"Bakit ka pumapayag na sunduin at ihatid ng Glendon na 'yon?"
Napatingin si Xia sa kanyang asawa at nababasa niya sa mga mata nito ang pagseselos.
Dahan-dahan niyang inihakbang ang kanyang mga paa palapit dito habang nanatiling nakatuon ang kanyang mga mata rito.
"Bakit, nagseselos ka ba?" tanong niya at nakita niya ang agad na pag-iwas ni Alexander ng tingin. Isang mannerism ng kanyang asawa na naging palatandaan niya na totoo nga ang kanyang hinala
