"Good morning."
Gulat na napabalikwas si Xia mula sa kanyang pagkakahiga nang bigla ba namang sumalubong sa kanyang pagmulat ang nakatunghay na mukha ni Alexander sa kanya.
"What are you doing here?" gulat niyang tanong habang nakangiti namang nakatingin sa kanya ang kanyang asawa.
Mabilis niyang hinila ang kumot saka niya itinakip sa kanyang katawan kahit na may kasuotang pantulog naman siyang suot.
"Bakit ganyan ka kung makatingin?"
"Eh, kung ano-ano kasi ang iniisip mo. Gusto lang naman kitang gisingin," sabi nito sabay tayo mula sa pagkakaupo nito sa gilid ng kama.
"Weekend ngayon. Bakit mo naman ako gigisingin ng maaga?"
"Sunday ngayon. Let's go to church together."
Bahagyang napamaang si Xia sa kanyang narinig. Hindi na kasi nila ito nagagawa noon dahil lagi silang busy sa k
