Langong-lango na sa kalasingan si Alexander sa loob ng kanilang bahay kung saan nandu'n ang mga masasayang sandali niya habang kapiling pa niya ang kanyang asawa.
Kahit anong gawin niya, talagang hindi niya matanggap ang katotohanang dalawang tao ang nawala sa kanya ng sabay. Ang pangarap niyang makabuo ng sariling pamilya ay nasira, biglang nawala nang dahil sa kanyang katangahan!
Naaalala niya ang mga sakripisyo ni Xia para sa kanya. Ang mga nagawa nito noong nagsimula na silang magkalabuan. Ang mga bagay na ginagawa nito noon para lang magkabati silang dalawa. Ang pagsakrispisyo nito sa pangarap nitong promotion.
Ang lahat nang nu'n ay nawala, nawalan ng silbi dahil sa kanyang kagaguhan.
Muling nanariwa sa kanyang balintataw ang masayang mukha ni Xia, muling bumubulong sa kanyang t
