"Salamat sa paghatid," sabi ni Xia matapos siyang ihatid ni Glendon sa apartment na kanyang tinitirhan.
"Okay ka lang?" tanong nito sa kanya nang mapansin nito ang pag-iiba ng kanyang mukha.
"Okay na ako. Sige, lalabas na ako."
Agad siyang lumabas ng sasakyan ni Glendon at kumaway muna siya bago siya nito tuluyang iniwan.
Napahawak siya sa kanyang tiyan. Nakaramdam siya ng masama dahil sa napasobra yata ang anghang na kanyang nakain kanina para lang maipakita sa kanyang asawa na handa siyang baguhin ang kanyang sarili at ipadama rito na okay lang sa kanya ang lahat kahit ang totoo ay nahihirapan pa rin siyang tanggapin ang lahat.
Nang hahakbang na sana siya papasok ng apartment ay bigla na lamang umikot ang kanyang paningin hanggang sa tuluyang nawala ang kanyang ulirat.
"Xia!" sigaw
