Malayo ang condo na sinasabi ni Zandro, halos nasa boundary na ng Paranaque. At dahil sa haba ng byahe ay nakatulog siya sa sasakyan. Halik ng binata ang gumising sa kanya.
"We're here," Wika nito. May kadiliman ang parteng iyon sa parking ng condo. "Sigurado ka bang uminom lang kayo ng lalaking iyon?"
Umahon ang inis sa dibdib niya sa tanong na iyon. Akala yata nito'y patol lang siya ng patol kung kani-kaninong lalaki.
"Dapat sa motel mo na lang ako dinala, Zandro, at alamin mo ang sinasabi mo."
"I'm sorry."
"As usual." Padabog niyang binuksan at isinara ang pinto ng kotse at mabilis niyang kinuha ang maleta sa compartmet na agad namang kinuha sa kanya ng binata. Hindi niya mapigilang mapaiyak sa inis na pilit niyang ikinubli. Sa elevator napansin ng binata ang pag-iyak niya. Yumakap
