Ako nga ang nagturo kay Elias habang si Luna ang nagprisintang magluto. May ulam na siyang naluto ngunit maiging maluto na rin ang karne dahil wala naman fridge na maaring paglagyan upang hindi iyon masira.
Malimit makipagdiskusyon sa pagtuturo ko si Elias ngunit wala siyang nagawa kapag sinaway ko na siya. Sa huli, sumuko siya sa akin.
"Ikaw kaya maging guro namin kuya? Para matuto rin sila Elong at mga kaibigan niya," suhestiyon nito nang matapos kami.
Natawa ako. "Puwede... kung gusto ba nila ng bogus na guro. Wala akong pinag-aralan..." sabi ko. Telling the truth. First year college lang ako at natigil. Hindi na ako pumasok muli kahit noong may pagkakataon na ako at may pera. Pero gaya nga ng sabi ko, walang bobong Cervas. I may not graduate to any course, pero kayang-kaya kong maki
