"Oh, hijo, bumalik ka?" takang tanong ni Mang Caloy nang bumalik ako sa grocery store. Abala pa rin siya sa pagbubuhat ng ilang delivery niya.
"Nandiyan po ba si Aling Saling?"
Ngumiti siya at itinuro ang loob ng store. "Nasa loob. Marami ang bumibili kaya abala siya," sagot nito. Agad akong nagpasalamat at tinungo nga ang loob ng groserya kung saan abala nga si aling Saling.
Parang maliit sa labas ngunit napakalawak pala iyon. Hindi basta-bastang grocery store. Parang retailer store na dahil nagsusupply sila sa malalaking gusali gaya nga ng hotel ng mga Alfuente.
Pagbungad ko ay agad akong nakita ni aling Saling at kinawayan. "Lorenzo, pakibuhat na itong kahon ni Eva," utos niya agad sa akin na tila wala lang ang sinabi ko kahapon na hindi na ako magtatrabaho sa kanya.
Ngumisi ako
