Liyo pa siya sa mabilisang halik na iyon nang lumayo ito sa kanya. Nakangiti itong sumaludo sa kanya at saka bumilang ng tatlo at tumalon.
Nauna pa yatang umalon ang sikmura niya kesa sa pagtilamsik ng tubig nang bumulusok ito doon. Parang umakyat sa lalamunan niya ang puso niya. Nakatitig lang siya sa tubig. Napakalinaw niyon. Nakita niya kung paano bumuwelo si Dominic para lumutang. Kumaway ito sa kanya.
Isininenyas niya dito na natatakot siya.
Lumangoy ito palayo sa lugar na babagsakan niya. Maliit na distansya lang iyon. Sapat para madali siya nitong madaluhan sa ibaba.
“Kinakabahan ako,” malakas na sabi niya dito.
Itinuro nito ang lifeguard na malapit lang din dito. He encouraged her to jump.
Pinuno niya ng hangin ang baga. At saka pumikit.
“You can do it, Kat!” narinig niyang
