“ALIN ANG sasakyan natin diyan?” tanong sa kanya ni Dominic.
Tapos na silang mag-almusal at noon lang sila nagpunta sa garahe. Dalawangh sasakyan ang nandoon. Iyong Jaguar na ipinagsundo sa kanila saka isang 4x2 pick-up.
“Kahit alin ho diyan, sir, ubra ninyong gamitin,” sabad ni Manong Tony na nag-aasikaso sa kanila.
“Sa pick-up na lang tayo,” sabi niya kay Dominic.
Inabot ni Dominic kay Manong Tony ang susi. “Iyan ho iyong sa kotse. Pareho kasing iniwan sa akin ni Jerald kagabi. Itong D-Max na lang ang ipanglilibot namin.”
“Sige. Mag-enjoy kayo. Mga anong oras ba kayo babalik para maipaghanda ko kayo ng makakain.”
“Huwag na ho kayong mag-abala. Walang oras ang balik namin.”
“Buweno, iiwan ko na lang na di naka-pad lock ang gate. Nasa likod ako palagi. Baka hindi ko marinig ang bu
