SARADO ang condo ni Kitkat. Naka-pad lock pa iyon sa labas kaya sigurado siyang walang tao doon. Iyon ang unang pinuntahan ni Dominic nang dumating siya sa Maynila. Dalawang address ang ibinigay sa kanyang inutusan niya. Itong sa condo at isang address na sa palagay niya ay sa mga magulang nito. Pero bago umalis sa lugar na iyon ay lumigid pa siya sa parking. Alam na rin niya ngayon ang plaka ng kotse nito. Natagpuan niyang nakaparada iyon sa basement parking.
Laglag ang balikat na umalis siya doon. Kahit pagod, tinungo niya ang isa pang address. Kung wala ito sa condo, malamang ay sa mga magulang nito umuwi si Kitkat. Pero bigo din siya. Saradiong-sarado ang bahay na pinuntahan niya. Wala ding laman ang garahe.
“Mahahanap kita, Kitkat. Hindi puwedeng hindi.”
Nagpasya siyang umuwi na. A
