CHAPTER 75: Mga Atervhi Sa Digmaan
SI RAMA AY nag-anyong halimaw na liyon na may mga pakpak na may matatalim na metal. Ginaya ni Shem-shem ang anyong halimaw na liyon ni Rama at sabay silang sumugod. Napag-usapan nila ang bagay na iyon na silang dalawa ay magkasanggang lalaban sa digmaan. Sinugod nila ang mga itim na diwatang gumagamit ng sandata upang sirain ang harang. Lumabas silang dalawa sa harang sa kanilang pag-atake ngunit mabilis rin pumapasok muli upang hindi maatake ng mga habo. Ngunit bigla rin ulit babalik sa labas ng harang at aatakeng muli.
Si Claryvel ay bumuo ng malaking buhawi at agad pinakawalan punterya ang mga habong nagpapakawala ng mga itim na enerhiya. At nagsunod-sunod pa siyang nagpakawala ng mga buhawi. Wala namang ibang magawa ang mga itim na diwatang inatak
