Chapter 55: Panlilinlang
SA LABAS NG palasyo, pinipigilan nina Lorienel at Lyn-lyn ang kasama nilang si Lasarah na umalis ng palasyo.
"Saan ka na naman ba magtutungo, Lasarah?" usisa ni Lorienel.
"Sapat naman na siguro ang pagsasanay ko ngayong araw. Nating lahat. Bagama't nangako ako ng katapatan sa mahal na reyna, na gagampanan ko ang pagiging mandirigma ng Ezharta, ngunit may sarili pa rin akong buhay," pangangatwiran ni Lasarah. Hindi na ito naghintay pa ng sagot ng mga kasama at bigla na itong lumipad palayo.
"May sariling mundo talaga ang isang iyon," simangot ni Lorienel. Siya ang pinakamantada sa tatlo at tumatayong lider.
"Intindihin na lamang natin siya," sambit ni Lyn-lyn, ang pinakabata sa tatlo. "Hindi natin siya katulad. Tayo ay lubos nang
